|
| |
|
|
Lied von der Treue
|
|
Versteh mi recht, wann i dir sog,
i mecht dir treu sein olle Tag,
wü immer wieder zu dir stehn, mei Leben lang.
|
|
|
|
|
Daß i dir treu bin, des haßt net, daß du di drauf verlossen soist,
daß i so bin oder so werd, wias du mi hobm wüst.
Daß i dir treu bin, haßt a net, daß i dir heit versprechn wü,
daß i mei Lebm lang so bleib, wiar i heit fia di bin.
Daß i dir treu bin, haßt vümehr, daß i di miterlebm loß,
was mi bewegt, was mi verändert, mi vielleicht vo dir entfernt.
|
|
|
|
|
Versteh mi recht ...
|
|
|
|
|
Daß i dir treu bin, des haßt net, daß i mit goarkan andern Mann
wos hobm könnt, was manchmal mehr is ois nur schaun und redn.
Es gibt ka Garantie, daß i mi net in irgendwen verliab,
und wo i dann die Grenzn find und ob is hoit, kann i net sogn.
Daß i dir treu bin haßt, i waß, daß i mit andre lebm könnt,
und daß i trotzdem grod mit dir mei Lebm teu,
weu i nimmermehr vergiß, daß i kan Menschn hobm kann,
und net den Mann fürs Lebm suach, weu i muaß söba lebm.
|
|
|
|
|
Versteh mi recht ...
|
|
|
|
|
Daß i dir treu bin, haßt, daß i mi net verleitn lossn wü,
daß i ma denk, i kenn di eh scho, und dann nimmer nach dir frog.
I wü mit dir gehn, wannst mi mitnimmst, und di suachn, wannst di verlierst,
und mi a enttäuschn lossn, wann i mi täuscht hobm soit in dir.
Und i wü liaber ehrlich streitn, ois daß ma blind in Friedn lebm,
und immer wieder umdrahn und an neichn Weg probiern.
Und i wea lochn, wann du lochst, und mit dir rean, wann du reast,
oba deine Tränen bleibm doch dir, weu du muaßt söba lebm.
|
|
|
|
|
Versteh mich recht, wann i di frog:
Wüst du ma treu sein olle Tag
und immer wieder zu mir stehn dei Leben lang?
|
|
|
|
|
Du ghörst net mir, i ghör net dir,
oba mia zwa ghörn scho zsamm,
und i wü lebm mit dir mit oin, wos es Lebm is.
|
|
|
|
|
Versteh mi recht ...
|
|
 zur Übersicht
|
